茶語

营业中

休息中

记得上次喺昌运揾唔到食咩就去咗食茶记，隔咗一排冇黎到，原来已经开咗一间新嘅餐厅叫茶语。大埔唔系好多台湾野所以都几有兴趣嚟试吓。其实呢度啲嘢食唔贵，价钱好亲民。我同朋友一人叫咗一个主食，我哋都比佢个肉燥吸引左，所以我哋都嗌咗肉操饭，一个肉燥鸡丝，一个肉燥猪扒。佢个鸡丝虽然卖相唔系好好，但系好好味，有惊喜，猪扒就ok la。另外我哋仲嗌左三样小食。第一样系卤水鸡翼，卤得好入味，第二样系炸芋头波波，都唔错。不过不失。第三样系炸豆腐，都几好食，因为佢唔系罐头豆腐，但都好滑，同埋好有豆味，外脆内软。最后我哋嘅饮品分别叫咗一杯芋头牛奶奶绿同埋杞子菊花热饮。值得一提嘅系佢哋嘅调味汁好有心思应该系自己调制嘅所以都加咗分。至于餐厅服务方面，佢哋每一张枱都有一包纸巾，好细心。整体来讲呢间都算抵食，饭堂之选。