影片
更多
2014-08-20
4174 浏览
一向经开K11都有留意呢间装潢一定吸引到女孩子眼光嘅餐厅，蛋糕卖相精致。电话订台都几FULL架，终于可以一尝啦!! FULL HOUSE系西餐加星马菜。但系食海南鸡同碗喇沙都要百几蚊，真系有啲吓亲，都系食返西餐好。呢度真系一个饭前饭后的新景点，之所谓景点就当然系有疯狂影相嘅地方，由门口，落楼梯，餐厅LOBBY，左边应该系VIP房，右边系大厅，女士们见到已经哗哗哗。地方甚广，但绝对唔贪心，为摆多几张台赚多几分钱而迫迫夹夹，地方干净，地下砖亦能见反光，蒲坐下已见人群四周影相。装修唔再讲，自己睇相就知景点有几丰富。就连个MENU都可以影一餐啦!!灯光选用柔和白光，配返主题，优雅不失可爱，恰到好处。太暗黄扮有情调反而令客人想睡。 饮品点了两款，都系SMOOTHIES，我系抹茶味，非常清新，选择配搭甚多，朱古力、香蕉等…朋友就点朱古力拼香蕉，香蕉味浓，但怕太甜不是我杯茶。Appetizer 点了菠菜蛋批，细细件，两个人share刚好，批够脆亦香，菠菜馅亦丰富，够热，味道不错。汤，龙虾汤两份share，份量都唔细，龙虾味浓唔腥，质地够「杰」，唔会太水，满意。不过配汤的大虾系以天妇罗去炸，失咗虾味
呢度真系一个饭前饭后的新景点，之所谓景点就当然系有疯狂影相嘅地方，由门口，落楼梯，餐厅LOBBY
，左边应该系VIP房
，右边系大厅，女士们见到已经哗哗哗。地方甚广，但绝对唔贪心，为摆多几张台赚多几分钱而迫迫夹夹，地方干净，地下砖亦能见反光，蒲坐下已见人群四周影相。装修唔再讲，自己睇相就知景点有几丰富。就连个MENU都可以影一餐啦!!灯光选用柔和白光，配返主题，优雅不失可爱，恰到好处。太暗黄扮有情调反而令客人想睡。
饮品点了两款，都系SMOOTHIES，我系抹茶味，非常清新，选择配搭甚多，朱古力、香蕉等…
朋友就点朱古力拼香蕉，香蕉味浓，但怕太甜不是我杯茶。
Appetizer 点了菠菜蛋批，细细件，两个人share刚好，批够脆亦香，菠菜馅亦丰富，够热，味道不错。
汤，龙虾汤两份share，份量都唔细，龙虾味浓唔腥，质地够「杰」，唔会太水，满意。不过配汤的大虾系以天妇罗去炸，失咗虾味，略嫌此举有点多余。
MAIN COURSE点了一个露笋意大利饭及鸡肉蕃茄酱意大利粉前者味浓，意大利饭质地刚好，非常喜欢。
后者，意大利粉带辣，不过鸡肉质地非常差，「鞋」到以为系煲汤煲到唔要个旧猪肉嘅「鞋」同硬，更加无鸡肉味道，朋友唔提，我都唔记得系鸡肉~
甜品方面，好想点有齐蛋糕、奶冻、心太软…既甜品SET (绝对唔平，$180)，但已经食唔落…唯有点个香蕉船。卖相同摆设已经同传统香蕉船有极大出入，香蕉非原条上，系切开一片片，前后两种味道雪糕，系朱古加同士多啤梨，仲有蓝莓围边，唔少得就当然有CREAM，咁多种食材放入口，又冻又酸又CREAMY，都几丰富。最特别要介绍就系香蕉船入面有一粒粒甜甜，卖相似系蜜糖粒嘅饼，甜但绝对唔会令人觉得讨厌，但系质地好痴牙，适合混埋CREAM食，中和返少少甜度，味道又唔会抢走，几有趣新鲜。
服务OVERALL亦很不错，又唔会催你，好落意帮你影相。真系好多人影唔停架!!闻说厕所影相都系一个景点，不过当日女厕全塞，感觉不太良好。整体嚟讲系唔错，食物就比较参差，价钱方面略嫌贵咗少少。
张贴
