和平飯店 (V Walk) (已結業)

小编今日成班朋友围威喂咁，话过嚟呢度缅怀下和平咁话㖞，咁咪即管睇吓和平有咩好东西同大家分享砂锅浓汤云吞鸡汤底味道几好，唔算非常之浓郁但几清甜，鸡肉味道就可以接受啦，都唔期望会系好滑。云吞真系大大只，小编两啖都食唔晒呀，味道就 正常啦😆糖醋鱼块糖醋嘅比例啱啱好，酱汁唔会太稀，每一个鱼块都沾满到酱汁，食落仲有少少咬口，算几好味㖞梁溪脆鳝脆鳝真系大大碟，小小甜多多脆得嚟，味道仲有啲老上海味。系小编细个时食嘅味道。味道其实甜甜脆脆，但小编到而家都系麻麻地呢个𩠌不等你小笼包等，小编都唔等啦，一上枱已经即刻要试一试佢，小笼包个皮算几薄，但就包得住入边啲肉汁。肉汁都算唔错，如果个皮能够再薄啲就仲正