傅師傅甜品小食

营业中

休息中

今晚系大围食完夜晚饭，跟住就周围散下步咁。突然见到呢间傅师傅甜品小食，就谂住食个甜品先番屋企，我地睇完个餐牌，见有个杨枝甘露雪糕布甸好似几特别，所以就即刻叫左黎试下。过左无几耐，就上枱喇，外观上都算几靓，同埋都比较小见到呢种甜品系其他糖水舖出现。跟住一摆落食先发觉原来味道上都算系唔错，杨枝甘露唔会太甜而且够冻，食落甜而不腻；布甸够硬身唔软淋淋，食落有口感；可惜雪糕以比较快嘅速度溶化，呢样真系有啲美中不足。不过如果咁岩经常呢边附近不妨黎试下呢个甜品喇，因为都算系个有特色嘅甜品。