樂糖 (已結業)

今晚放工后约咗姪仔姪女一家吃饭，两个小魔怪好期待有甜品食😂哗~店内的设计就好似去咗小朋友的房间咁，充满童真，蓝蓝的天，白白的云，仲有好多七彩波波🎈好靓呀~去到先知原来咸点的order啱啱cut咗，只有甜品，但店员好好，帮我问咗大㕑，可以破例做俾我，真系好好呀👍🏻我哋点咗黑松露意粉，黑松露味香，意粉好烟靭有咬口。至于卡邦尼意粉，我钟意芝士，满满的芝士配上香口的烟肉，如果芝士味再浓啲仲正😋另外点咗个36个月巴马火腿pizza，上面有啲芝麻菜，意粉上面都有㗎，几好味，36个月的巴马火腿原来味道系咁㗎，咸香味浓郁，配上饼底，味道啱啱好。两个魔怪要咗甜品，上枱见到白色的云尼拿雪糕配上红色的士多啤梨，颜色上已经好靓，中间仲有啲刨冰，士多啤梨唔酸，雪糕滑，两个都食到舐舐脷😆我叫咗个法式焦糖炖蛋士多啤梨配忌廉，姪女话士多啤梨好味，焦糖好薄脆，炖蛋滑。饮品要热柠檬蜂蜜，酸酸甜甜，柠檬清香。