田籽茶事 (快富街) (已結業)

今日系情人节，我同朋友都无情人陪，所以放工一齐去食饭，食完饭10点左右，系街见到咁多成双成对既情侣，突然想饮返杯台式饮品，慰藉下单身人士既心灵，甜返下。点知揾左几间铺头，已经关左门，好彩最后比我地揾到田籽茶事仲营业紧。我就拣左芒果蒟厚鲜奶，朋友拣左黑糖厚奶茶，大概10分钟左右就拎到手，店员仲好有心提提我地点样饮先系最合适。 芒果蒟厚鲜奶店员教落要搅均先饮，一饮落去虽然有浓厚的鲜奶味，我望到铺头系用明治奶，唔怪之得奶味咁重，但亦都有阵香精的芒果味，珍珠就变左芒果味的蒟蒻珠，芒果味都系好假，应该都唔系天然芒果做的，芒果味有点败笔。 黑糖厚奶茶(+仙草)我试饮一啖，奶味好重，掩盖左茶味，我谂钟意茶味浓的朋友应该唔太岩了，黑糖味都好重，仙草都好好食，整体依杯都好饮又顺喉，真唔错。 提提大家店外有幅打卡墙，最岩就系拎住杯野饮，打下卡，呃下LIKE。下次都系试返佢既招牌田籽波霸厚鲜奶先~