沛公甜品 (已結業)

成日返工经过，晚饭后，提议不如试下沛公甜品啦！好彩等位唔算耐，三个人等左五分钟左右。今次试左三样甜品！第一样系呢个榴梿肠粉。首先质地方面，肠粉皮好滑，睇相都睇到滑到反晒光，同埋都唔会太厚。味道方面有好重既椰汁味，个人比较钟意椰汁类甜品，所以觉得唔错。入面既榴梿肉可以再多少少，比较多cream，不过榴梿肉都好甜好当造！第二样就系榴梿千层Pancake，呢个真系佢既皇牌之选呀！入口蛋皮同榴梿肉二合之一，唔会好多cream ，食得出啖啖榴梿肉既香味，同埋就算摆系枱面耐左，蛋皮都唔会林晒，都食到佢既质感。第三样就食芒果类甜品，调剂一下嘛。上面系由鲜芒果砌成既花瓣，好靓呀，原来都有大size订购，生日蛋糕又多一个选择啦。原本以为下面系普通既海棉蛋糕，咁就错啦！原来系芒果Pancake做底，蛋皮同样系千层班戟既蛋皮，薄得黎又唔会整到烂晒，入面就系cream同芒果肉，都算系货真价实，好多芒果肉！一定会再光顾，下次买个大既千层班戟返屋企食先