松屋 (仁信大廈)

营业中

休息中

竟然冇乜人食，要支持下小店啊！有各种抹茶甜品、蛋糕，最低消费一人一个甜品。*特制抹茶百汇 $85好澎湃！各色各样抹茶甜品，蕨饼抹茶粉满满，烟烟韧韧好Q弹。抹茶啫喱动L动L，但寒天偏向无味。白玉烟韧，似汤圆嘅口感。两球抹茶雪糕嘅抹茶味香浓，配十胜红豆好夹。每一样都唔会过甜，一个人KO一份都唔夸张。北海道原味梳乎厘 (自选雪糕) $62大大个梳乎厘，热辣辣，唔会塌得好快。有蛋香又冇蛋腥，湿润又松软，配云尼拿雪糕，一冻一热非常配。