甜蜜蜜甜品專門店 (已結業)

🍜同姐妹食饭总会挂住倾计，不停倾倾倾，🍻饮饮饮，点到枱面满满临走都会觉得唔太够饱！最适合去厚福街揾甜品食🍮 等位嘅时候又继续倾倾倾，星期五嘅9点后，等左大约10分金钟就有位，店员有礼，但坐位真系十分迫！店内全满座都几嘈下架！同姐妹点了： 爆爆珠芒果恋曲 $54（爆爆珠，芒果，小丸子，海藻珠，芒果雪糕，芒果汁底）- 价钱唔平，所以材料都十足，有一个芒果雪糕，芒果肉🥭都甜，加埋小丸子，店家独有嘅爆爆珠，一个糖水有几种唔同口感，赞！食完一碗真系好饱！  榴梿飘雪 $59（榴梿肉，紫米，小丸子，大西米，椰果，海水藻珠，椰汁白雪 ） 全店隐约嗅嗅闻到榴梿味！友人唔食榴梿，所以我叫左呢飘雪，甜品到枱都唔算好大嘅榴梿味！食落D飘雪好棉，比想像中好食。 原个椰皇海底椰炖鲜奶蛋白 $62（海底椰、汤圆、小丸子，芋圆）卖相就靓，见枱枱都有点，不过食落似炖椰皇，除左海底椰有D烟韧，汤圆都好味嘅，但最贵系佢下次唔会再叫。