甜椰坊自家制甜品專門店 (已結業)

是日，食完晚饭9点几，想食番个甜品吹下水。由元朗揾到大埔，由B仔揾到松记，间间都爆晒人之际，见到呢间漆黑中嘅萤火虫出现左，入面坐位比起其他糖水铺阔落好多，岩晒俾我地吹下水。叫左个38号甜品，名呢家野我真系记得差，但佢系芒果冰底配4款配料。有my favorite嘅粟米片，加上甜品必备嘅小丸子，配上甜到漏嘅芒果粒，最后放一球雪糕上去。配搭得非常之好，每一样野分开食就独当一面，夹埋一齐食又唔错㖞。芒果偏甜，冇咩酸味，同芒果冰底个味差唔多。小丸子都算放得多，同许留山嘅小丸子份量有咁上下。雪糕系曲奇味雪糕，就咁食比较好，同芒果冰唔系咁夹。整体嚟讲唔错，份量好多，少少地当做个晚餐都仲得。下次食再嚟食。