皇室甜品 (城南道)

营业中

休息中

今日屋企人话想去食一食饭后甜品，所以就带咗佢地去我平时去开嘅𠮶间甜品店-皇室甜品。我哋叫咗一个宇治金时，一个士多啤梨奇冰同一支椰青水。宇治金时系我每一次黎都必食嘅，佢上面嘅雪糕系𠮶种奶味比较重嘅抹茶雪糕， 中间嘅刨冰都有啲抹茶嘅味道，有少少抹茶嘅苦味，但系因为佢有啲甜嘅红豆，所以可以中和翻，成个甜品唔会话太甜，加上有啲小丸子，烟烟韧韧，真系好好食。除咗个宇治金时之外呢，椰青水我都好推荐大家试一试，六蚊一支，个椰青味好重好清甜，应该系冇沟过水/糖，百分百椰青水， 六蚊一支，又唔使去整，真系平过你去买椰青。最后一款甜品系士多啤梨奇冰，个士多啤梨味我就唔系太钟意，而且系比较甜，可能适合啲好钟意食甜嘢嘅人。