石磨坊 (已結業)

食完谭仔之后就去呢度食甜品，我地叫左芒果西米露、芒果捞河、奶皇炖奶同红豆卷。呢度星期日都几多人食甜品，好多都系一家大细。芒果西米露芒果既份量好多，而西米既软硬适中，弹牙爽口。芒果捞河呢个就无咁好，河粉又无咩味，而芒果汁又唔算多。我觉得好似斋食河粉咁无好好食，下次应该唔会再叫奶皇炖奶呢个系炖奶再系面头加上奶皇既甜品，虽然奶皇只系面头加上去，但我觉得奶皇捞落炖奶到都几好食。炖奶又够奶味同够滑，正。红豆卷用捞河既皮包住红豆既甜品。呢个都唔错，红豆又唔算太甜，伴著花奶食真系唔错。但13元四小旧就唔多抵。实有下次既，不过下次试下炖奶佬既甜品。