佳佳甜品 (已搬遷) 新店位置

今晚同亲朋戚友系父母的屋企食饭，因为有老人家及小朋友，所以六点钟就开饭未到八点已经食完返屋企。倾埋计大约九点钟离开。返到屋企正准备泊车嘅时候，女朋友同我讲佢自己其实未食饱，以一向九点钟先食晚饭嘅我都有点儿感觉到肚饿，所以我哋两个决定出去食糖水。女朋友同我讲话想食汤圆，我就马上谂起出名食汤圆及传统糖水嘅佳佳甜品。女朋友点在一份姜汁汤圆，我通常就会点合桃露或者芝麻糊，但因为天气热决定点一份冻嘅甜品食，向来钟意食有芒果甜品嘅我，一见到佢哋有杨枝甘露就二话不说叫咗一份试一试。姜汁汤圆，姜汁味又香又辣,又唔太甜，芝麻汤圆皮薄涵多，啲芝麻涵又好香又好味。杨枝甘露，酸甜味比例啱啱好，芒果茸很多，芒果粒也不少，细细碗嘅杨枝甘露我估都应该需要两个芒果去打汁及起肉。