甜牙牙

营业中

休息中

食完晚饭紧系要食甜品，饭后甜品是餐后完美嘅总结，令人满足！甜品店地方都几宽敞，仲有舒适嘅梳化座，环境光猛。餐簿整得好靓，有齐晒相片，睇落好吸引！有心太软、窝夫、拿破仑、松饼、中式糖水、炖蛋、棉棉冰、河粉、水果茶等等。男朋友系榴梿痴，拣咗份榴梿松饼 ($82)。即点即制，热辣辣，榴梿香四溢！用料有松饼、榴梿肉、忌廉、焦糖酱、曲奇碎和曲奇雪糕。软松饼虽比梳乎里班戟的质感实在一些，但食落都系松软，又好有蛋香，配上冰冻甜美的曲奇雪糕更正。榴梿肉非常香滑，优质！男朋友极满意。我就要滋润一下，川贝莲子雪耳烤梨 ($60) 用一个很有特色的杯子作为炖盅，有趣！热度十足，用料亦足，内有川贝、原粒莲子、雪耳和原个雪梨，炖至腍嫩，味道甘甜，滋润顺喉。