滿記甜品 (朗豪坊)

营业中

休息中

旺角食完饭，觉得未够喉又想食啲嘢，心谂不如食个糖水啦叫咗两个糖水，第一个系榴梿白雪仙草，一嚟就见到大大嚿榴梿肉喺上面，已经心心眼😍食落口好滑好香，仙草亦都好好，唔会有种怪味，而垫底就系白雪，即系碎冰，天口㷫嘅日子食绝对会透心凉，整体好清新亦好消暑。另一个就系雪山芒果西米露小丸子，我谂雪山就系芒果雪糕😂呢个糖水食落比较平平无奇，芒果雪糕味道唔太出，西米露加咗芒果汁都好清凉好舒服，小丸子好好咬口好烟韧，但整体比较普通。两款糖水我比较钟意榴梿白雪仙草，食完有种「榴梿」意返嘅感觉，齿颊留香。