聰嫂星級甜品 (已結業)

喺铜锣湾食完晚餐，梗系去食甜品啦，虽然原本晚餐嘅餐厅有丰富嘅甜品，不过我哋想食传统地道嘅，所以就去咗聪记星级甜品。其实一向都钟意去聪记食甜品，贪佢够创新，甜品又唔会过甜，好啱我胃口。不过佢嘅缺点就系太多人啦，动辄要等半个钟先至有得食，好彩今次我哋早食晚餐，食完都未到八点，所以就博下运气，去睇睇使唔使又要排长龙。真系好好彩，去到已经有位坐啦，于是即刻睇餐牌，叫咗一下芒果班㦸，香港唔算太甜，但系一啲都唔酸，好有水准。朋友叫咗个芒果凉粉，凉粉底，配上芒果冰同芒果肉，鲜甜又香，正！我叫嘅芒果珍珠冰都唔输蚀，系依个咁热嘅天气，最适合食芒果冰，加上几种唔同嘅珍珠同椰纤果，好口嚼，都系冇得输。最后忍唔住要讲讲佢哋嘅服务，其实唔算非常之好嘅服务，员工欠缺笑容，但总算殷勤，不过这个也不是重点，相信这里也可容纳40-50人，老板都安排左五至六个楼面，我见老板非常重视服务效率，非常适合香港这个超速的都市。