影片
更多
2020-10-02
620 浏览
纵然门外横风横雨，但位于中环横巷嘅呢间小店都会努力发出微光，用佢哋嘅力量去温暖店内咁多位食客！有太多嘢要分享喇！嘢食、服务、装修、环境、气氛etc~~~~~讲咗食物先！打边炉汤底超重要！我哋叫咗椰子乌鸡杞子粟米～好明显我系唔知汤底叫咩名⋯⋯有料读料🤣椰子乌鸡杞子粟米 - 咩都唔好讲，饮咗啖汤先！超足料！系好香椰子味，饮落唔油唔咸，唔似出面啲汤底咁望落好油，或者饮完会好口喝。系会忍唔住饮完啖又一啖，唔停口，可唔可以谂谂出包装袋汤咁卖？最神奇系打完成个边炉，有牛有丸有海鲜有菜，即系好似平时边炉咁食啦，清完所有嘢之后⋯⋯个汤底都系清！！唔洗好似出面边炉咁，食完一轮或者落完牛，要筛一筛汤面啲油花！有对比就有伤害，古人诚不我欺！饮到要老板不断加汤⋯⋯唔关我事㗎老世！系你哋汤底有诚意炸！仲有一点！唔好以为只乌鸡系装饰净吊味！我哋大大话话都食咗3个几钟，最后先食只鸡，救命！一啲都唔榎歰歰(鞋拾拾)，唔干都唔硬～鸡皮是重点！系滑捋捋㗎！多出嚟嘅果两吋腰一定唔止个汤底做成！罪魁祸首仲有边炉二人餐、其他配料同海鲜！二人火㶽套餐 - 任选汤底一款、精选双拼牛肉、厚切午餐肉、珍宝蟹柳、海鱼鱼蛋、凤城云吞、蔬菜
有太多嘢要分享喇！嘢食、服务、装修、环境、气氛etc~~~~~
讲咗食物先！打边炉汤底超重要！我哋叫咗椰子乌鸡杞子粟米～好明显我系唔知汤底叫咩名⋯⋯有料读料🤣
椰子乌鸡杞子粟米 - 咩都唔好讲，饮咗啖汤先！超足料！系好香椰子味，饮落唔油唔咸，唔似出面啲汤底咁望落好油，或者饮完会好口喝。系会忍唔住饮完啖又一啖，唔停口，可唔可以谂谂出包装袋汤咁卖？最神奇系打完成个边炉，有牛有丸有海鲜有菜，即系好似平时边炉咁食啦，清完所有嘢之后⋯⋯个汤底都系清！！唔洗好似出面边炉咁，食完一轮或者落完牛，要筛一筛汤面啲油花！有对比就有伤害，古人诚不我欺！饮到要老板不断加汤⋯⋯唔关我事㗎老世！系你哋汤底有诚意炸！仲有一点！唔好以为只乌鸡系装饰净吊味！我哋大大话话都食咗3个几钟，最后先食只鸡，救命！一啲都唔榎歰歰(鞋拾拾)，唔干都唔硬～鸡皮是重点！系滑捋捋㗎！
椰子乌鸡杞子粟米汤底
38 浏览
0 赞好
0 留言
多出嚟嘅果两吋腰一定唔止个汤底做成！罪魁祸首仲有边炉二人餐、其他配料同海鲜！
二人火㶽套餐 - 任选汤底一款、精选双拼牛肉、厚切午餐肉、珍宝蟹柳、海鱼鱼蛋、凤城云吞、蔬菜拼盘、乌冬/出前一丁、特饮两杯、酱料两位。就咁睇以为好普通？？NONO，食落你就知错晒！汤底已经讲咗～咁讲牛肉先啦～！
精选双拼牛肉 - PETER 我对你唔住⋯⋯你有介绍过㗎，但我都系唔记得咗我哋叫咗咩部位嘅牛⋯⋯我净系知佢哋肥瘦适中，唔会超肥到成口油，都唔会瘦到食完黐晒牙，系嫩嫩的！！！好食到打开新世界之门！下次打边炉要识得拣返呢个部位食！！要认真咁介绍牛～就紧系唔到我嚟讲啦！老世PETER会亲自带住牛牛们同食客介绍返咩部位有咩特式～想肥啲？瘦啲？多筋啲？特别啲？想要咩就同老世讲啦！实满足到你呀！
精选双拼牛
34 浏览
0 赞好
0 留言
厚切午餐肉、珍宝蟹柳、海鱼鱼蛋、凤城云吞 - 唔好以为佢哋系普通午餐肉、蟹柳、鱼蛋同云吞加形容词就普通先得！碟午餐肉厚到我一开始以为系咩糕点咁摆靓靓，甜品咁早放上枱？果对蟹柳有对筷子咁长，但仲粗过你只手指公！弹弹的！唔系普通街边可以食到！至于鱼蛋真系要讲多两句！珍姐仲有间餐室喺上环果边，呢个鱼蛋陈皮味超丰富！绝对系一试难忘，除咗喺珍姐食过之外，暂时未喺其他地方食到，麻烦伟大嘅OPENRICE话我知仲有边到有得食呀～
厚切午餐肉、珍宝蟹柳、海鱼鱼蛋、凤城云吞
39 浏览
0 赞好
0 留言
除咗二人套餐嘅食物，我哋仲叫咗炸鱼皮、手打黄金墨鱼九。痴咗线，会唔会太好味！
炸鱼皮 - 薄！脆！鲜炸即食！冇得输！不能形容更多！
炸鱼皮
19 浏览
0 赞好
0 留言
手打黄金墨鱼丸 - 之前见老板娘喺FB IG透露咗佢哋研究紧手打丸，成功咗几款～我哋今次试咗呢个咸蛋流心墨鱼丸！惊喜！咸蛋加入食材嘅制品你一定食过，但墨鱼丸中间系咸蛋流心你又试过未？佢唔会咬落去得咸蛋咸味，而系好香，仲有弹弹嘅墨鱼喺你个口到跳舞！加分！加分！
手打黄金墨鱼丸
18 浏览
0 赞好
0 留言
讲咗咁耐⋯⋯终于都到我心心念念嘅海鲜喇！成日都喺FB IG 见老板们放劲大只又生猛嘅海鲜嚟引我！（水吧位设有海鲜区，食客可以过去拣时日精选海鲜～拣完会由专人 - 阿CHRIS帮你处理！）
精选海鲜
39 浏览
0 赞好
0 留言
今次终于都食到喇！手臂咁壮嘅濑尿虾！iphone咁大嘅花竹虾！大大粒又涨卜卜嘅大沙白！手掌咁长嘅蛏子！新鲜、生猛、爽口、弹牙、冇沙，呢啲基本啦～喺呢到食到嘅虾同贝贝鲜味到食唔停口！对自己好啲，过嚟食海鲜慰劳自己！真系好满足㗎！！
精选海鲜 - 濑尿虾
41 浏览
1 赞好
0 留言
精选海鲜 - 花竹虾
29 浏览
1 赞好
0 留言
精选海鲜 - 大沙白
21 浏览
0 赞好
0 留言
精选海鲜 - 蛏子
24 浏览
1 赞好
0 留言
面 - 食出前一丁一定要落味粉加麻油？珍姐打破你嘅固有印象呀！咩都唔洗落！得个汤底都够你食过返寻味！吸咗日月精华嘅出前一丁已经唔系普通嘅面，佢已经升华咗做一碗令人呢餐食饱咗，到宵夜想再食多碗先瞓嘅面！系，我认，讲到尾我都系忘记唔到个汤底！
以为咁就完？少年，你太天真喇！用料靓嘅点止食物，饮品都好足料！
疏肝菊花蜜、自制罗汉果 - 打边炉就紧系热气㗎啦！呢两杯清热降火嘅特饮简直系above average！
一餐好嘅晚饭，除咗食落肚嘅，仲要食埋个气氛呀！
店内大播经典老歌，有好多都系听到副歌先恍然大悟～呀～原来呢首我都听过㗎！系唔知咩电视剧主题曲呀！一路食，可以同朋友一齐估歌仔，播到耳熟能详嘅经典，我哋都忍唔住跟住唱，跟住跳！再夜少少，仲有点歌环节～你想听咩歌？揾老板娘啦！众乐乐就系咁简单！
唔好以为系我讲得夸张就系假，你试过就知我冇介绍错！我都嫌自己讲得普通咗，珍姐出品～诚意之作！
一试冇妨呀～试完包你返寻味！
酱料
26 浏览
0 赞好
0 留言
精选海鲜 - 濑尿虾
21 浏览
0 赞好
0 留言
精选海鲜
27 浏览
0 赞好
0 留言
甜品 - 桂花蒟蒻
20 浏览
0 赞好
0 留言
题外话/补充资料：
长驻水吧嘅阿CHRIS喺膳后问我哋有冇咩改善或者COMMENT？
有！最大嘅问题就系你哋服务太好喇！6熟完手臂咁壮嘅濑尿虾，会过嚟帮我哋斩件上，等我哋唔洗分心剥壳，可以专心食嘢⋯⋯我两吋肥肉嘅帮凶 阿CHRIS你唔洗否认喇！再帮我哋斩埋汤底只乌鸡，仲温提我哋食之前要6一6先 惊仲有血水～10000服务分，俾多一分都惊你会骄傲～
而老世PETER会带佢嘅牛牛们，详细咁同每枱食客介绍返咩部位有咩特式，务求食客们都食到自己偏好嘅肉。我有认真听书㗎，但盘牛牛嘅光芒大到掩盖咗老世你嘅解说⋯⋯i'm sorry~当日冇缘见到PETER表现刀功⋯⋯扣分！下次要识做喇🤣
到靓靓老板娘喇！可以靠样揾食行偶像派嘅佢，偏偏样样都亲力亲为！见佢喺夜场嘅时候，会揼肩搓腰⋯⋯但相信见到全场食客都食得咁满足，玩得咁开心，所有嘅辛苦都系值得㗎！！！
唔好以为门面得佢3个就会有甩漏。佢哋每一个都可以一个顶十个，你哋嚟亲身感受，就可以完全FEEL到佢哋嘅诚意！
加油呀珍姐！你哋对自我嘅要求同付出，将会成就日后嘅高度！好期待下次再去惩罚你哋呀！！！
加油！💪🏻💪🏻💪🏻☺️
(以上食记乃用户个人意见 , 并不代表OpenRice之观点。)
张贴
