Talk 2 DeCream (已結業)

喺公司食完饭，出嚟行吓街解下闷，之前都经过呢间雪糕甜品铺几次，今日终于又同同事带头一齐嚟试吓。店舖嘅外型系粉红色好有少女感觉，打卡一流，但我发现买嘅客人都系附近OL为主；雪糕选择唔算多，十款唔同嘅雪糕及甜筒，外型都有特色，睇落款款都好吸引。生蜂蜜玫瑰奶杯，雪糕唔会太甜，好滑溜，有一阵淡淡的蜂蜜香味，似云呢拿雪糕，比较高身所以溶得比较快，夏天要食得快啲。三重奏朱古力杯，感觉系特浓嘅朱古力，唔会太甜太腻，上层嘅脆脆因为比较干身，咬落口扑扑声，最底层有另一款嘅脆脆，比较大粒啲亦都比较软绵绵，食落口有三重口感。