海記合桃坊甜品

营业中

休息中

食完晚餐后，同朋友谂紧太子有咩糖水好食呢？🤔灵机一触，不如就食「海记合桃坊甜品」。首先叫咗个双拼「合桃糊+芝麻糊」个人认为热食系正好多👍，一放入口浓浓嘅合桃糊味好香滑，唔会太浓稠，而夹埋芝麻糊一齐食唔会太甜，不过芝麻糊有少少盖过合桃糊味，下次可以分开叫一碗可能食得开心啲另外两碗叫咗「紫薯香芋雪乐冰芋圆紫米露」，有一碗加咗$10多芋圆，分别有紫薯同香芋雪糕，好钟意食香芋雪糕好浓郁嘅芋头味，而紫薯雪糕好香滑，芋圆份量亦好多，食落口好烟烟韧靭，好有咬口，夹埋紫米露一齐食口感好丰富，啱晒夏天食。