神戶食堂 空姐牛肉飯 (已結業)

由于🥵天气太热，真系唔想喺条街到暴哂☀️，所以去西九龙food court揾嘢食算。之前食过呢间空姐牛肉饭都ok，所以呢日再食下啦。饭类嘅𩠌其实主要分三种，就系🐂牛肉、🐖猪肉同🐓鸡翼。你可以拣一款或者双并，胃食嘅我当然要双并，要咗空姐牛肉加寿喜烧鸡翼，细饭，$36+$1(外卖)。舖个婶婶上次明明同我讲(落单后😑)喺附近返工show证就可以有85折，点知今次又叫我下次show先有，今次最多送汽水🥤比我㖞😅😅😅。好啦好啦，下次下次下次大概可以(好似系)。btw虽然店舖细细，但望到入面好整齐，而且menu非常清晰👍🏻，抵赞。等咗阵就有嘢食了，唔好睇个饭碗好似好细咁，其实超深🤭，劲多饭🍚超饱，如果叫大饭应该够2个人食！𩠌就有几片牛肉同3只鸡翼(大饭应该有4只鸡翼)，2款味道都ok，不过啲牛肉同牛汁好似都系吉野🏠惹味啲，而且牛肉量可以多啲；鸡翼正常但就唔觉有寿喜烧味😂。另外整淋咗嘅洋葱配饭好好味😋。最后就系婶婶送嘅汽水，佢推介嘅菠萝汁🍍系唔错啵！总括嚟讲，抵食，味道唔错，份量多(啱哂饭桶🍚🙈)。如果去开附近又好肚饿真系可以一试👍🏻，而且佢仲有其他小食。