頹飯 (已結業)

系中环最惨系中午食饭时间，永世都要等位，D野又唔系平，又要等餐死，所似咪食外卖算了。最近见到呢间外卖店开咗，个名好抵死叫颓饭，心念，唔通呢度D餐/肠/腿蛋饭最好味? 我唔想食D致癌加工餐肉，见薄切牛肉饭加冻O乐都系68蚊，OK啦，中环区! 外卖好快手，好快有。打开个饭盒，好香，D薄切牛肉好薄，无咩肥肉，份量都多，牛肉好有牛味，加埋D另上黑椒汁点，好食呀。D饭有饭香，粒粒分明，唔系差货， 捞埋D黑椒汁食，有味饭更开胃，个黑椒汁都做得唔错，重有埋蕃茄仔，粟米粒D菜类食下，平衡下营养，杯冻O乐都系加8蚊，配饭够抵啦(在中环买罐可乐都唔止呢个价)。呢个饭盒都食得好满足呀! 起码唔系"挨"啦。