浦和日本料理 (已結業)

今日去同旧同事食饭，之前倾左好耐话食放题，去左留学成年都冇机会食放题，今次终于有机会食啦！本来谂左去荃湾同旺角，不过谂谂下旺角又多人，又成日都去，食到闷闷地就谂住去试下出左名多野食既荃湾，佢地话食过呢间浦和，几唔错，就去左试下，反正荃湾又唔远，上开饭睇到啲相都几好，一于去试下!一坐低望下本单书，款式都算几齐全，基本既刺身、寿司、天妇罗等等都有，竟然仲有得饮冲既冻柠茶! 其实呢间同其他放题菜单大同小异，但胜在用料够新鲜，鱼生等等都比出面好多日本餐厅好食，入口唔会有雪味同腥味nice! 而寿司方面就冇咩特别，不过不失，天妇罗同手卷都系大大旧，正!另外每一枱坐低会送返人头计既限定灸烧三文鱼寿司同炸虾卷，又系充满咸香味既灸烧系列!至爱!其他小食如烧一口牛柳粒同蟹籽沙律都唔错，推介鸡软骨同牛串，烧得香口唔油腻，必食!而环境就真系一流，荃湾大多数食肆晚市都会好爆，呢间要早啲黎，如果7点前走$138，之后走就$198，有加一，我地6点半入去，食到9点，埋单每人$217，出面一般都系两个钟，坐系呢度同friend吹下水食下野就啱哂!店员都好好服务，野食又唔会等太耐，赞一个!