至尊重慶雞煲 (堅拿道西) (已結業)

好耐冇食鸡煲，去完ps7睇完波鞋顺便去食返至尊重庆鸡煲。至尊鸡煲不嬲都抵食，有小食bar, 自助饮品款式都齐，唔会似出面d 火锅店得百事...两个人份鸡煲都好足料。汤汁味浓，鸡肉好入味，劲想叫多碗饭黎捞汁食。因为唔食得辣，叫左bb 辣黎食，仍然好够辣(接受到) ，相信bb 辣以上都可以满足到爱辣人士。入单叫其他配菜，蔬菜新鲜份量足，鱼皮大大块又脆。丸烦肉类都多选择，牛肉唔会太肥影响食量，非常适合食肉兽。汤汁煲耐左好咸，员工见到亦主动帮忙加水（本来只系加汤的), 可见服务细心。埋单都系百几，认真抵食！