影片
更多
2021-08-03
82 浏览
从来都无写过食评，但系呢间野都系想写下。首先入口环境非常窄，如果多人等位就会企晒去旁边的电器店，好阻住好尴尬。星期日夜晚7点多跟屋企人一齐去食，叫了一个m9后腰脊，一个混合嘅吉列牛豚，一个roast beef饭。(菜式名唔准备，好懒再揾正名)上菜其实非常快，但位置很迫，桌和桌之间间隔要侧身之能走过，员工送餐时都几危险，见到啲味增汤响个tray上面滑泥滑去。楼面员工得1到2个，不足以应付晚市的客人，却又只有75分钟限时，想揾人问下个menu内容都无左5分钟。佢qr code落单，但系啲追加set又要同啲员工讲，坐低𠮶阵又唔讲清楚，见到有几枱包括我哋都要问。虽然我个人唔太识欣赏吉列牛，觉得沾酱又会浪费了个肉，但肉本身又无调味⋯⋯个炸皮其实又唔够热，冻冰冰唔知点形容。不过个肉质其实唔错亦可能值佢嘅定价，但系佢个定食嘅饭系非常之难食。虽然话系糙米，但系如果煮得好/品质好一定唔会系咁难食，佢无讲明系唔系日本米，所以亦无法求证。但系一般日本饭即使糙米红米都会闪闪令，入口软糯亦唔干，佢个饭系干争争无饭味难以吞噬。或者有人会觉得，饭姐无乜所谓，个人泥讲个𩠌有几好食，碗饭系纸皮根本都唔会好食。佢卖成2、
首先入口环境非常窄，如果多人等位就会企晒去旁边的电器店，好阻住好尴尬。
星期日夜晚7点多跟屋企人一齐去食，叫了一个m9后腰脊，一个混合嘅吉列牛豚，一个roast beef饭。(菜式名唔准备，好懒再揾正名)
上菜其实非常快，但位置很迫，桌和桌之间间隔要侧身之能走过，员工送餐时都几危险，见到啲味增汤响个tray上面滑泥滑去。楼面员工得1到2个，不足以应付晚市的客人，却又只有75分钟限时，想揾人问下个menu内容都无左5分钟。佢qr code落单，但系啲追加set又要同啲员工讲，坐低𠮶阵又唔讲清楚，见到有几枱包括我哋都要问。
虽然我个人唔太识欣赏吉列牛，觉得沾酱又会浪费了个肉，但肉本身又无调味⋯⋯个炸皮其实又唔够热，冻冰冰唔知点形容。不过个肉质其实唔错亦可能值佢嘅定价，但系佢个定食嘅饭系非常之难食。虽然话系糙米，但系如果煮得好/品质好一定唔会系咁难食，佢无讲明系唔系日本米，所以亦无法求证。但系一般日本饭即使糙米红米都会闪闪令，入口软糯亦唔干，佢个饭系干争争无饭味难以吞噬。或者有人会觉得，饭姐无乜所谓，个人泥讲个𩠌有几好食，碗饭系纸皮根本都唔会好食。佢卖成2、300蚊一个定食，啲牛好食但啲饭唔出色，我一路食一路觉得好可惜，浪费晒啲牛。唔止糙米，个roast beef饭系白米亦无乜大不同，我宁愿自己带个饭煲去煮过啲白饭。 我亦忍唔住同员工反映，佢话各有喜好，但系餐厅系指定呢只健康糙米，佢地员工都系食呢啲⋯⋯个回覆都好官方，我亦唔怪佢，佢都叫有礼貌。但真系好嬲，啲饭拉低晒成个定食嘅质素，你俾龙肉我俾佢碗饭我，我都无心机食。
仲有其实个menu都几唔清晰，佢写set但又无写明个set有乜，个个餐都有少少唔同，睇个app落单以为唔加钱加酱就会无酱，点知又有，加钱啲酱有啲本身个餐又会有。有啲餐巳经有温泉蛋又无写明，饭、椰菜、汤任添都系无写明，上写亦无讲，要员工过泥问至知道有呢个服务（平时食吉列餐厅实好食到要添饭，我今次跟泥碗饭都无食完）
如果唔系高价位，可能我会食完就算，但系3个人埋单都900蚊，咁多野都唔满意就唔太gur。无下次⋯⋯
个饭真系好嘥，一碗热饭都煮唔好唔好卖高级野，虽然香港好多水鱼，成日都垃圾当宝咁食。唉⋯⋯
0 浏览
0 赞好
0 留言
张贴
