飯飯店 (已結業)

一班人去食饭，最岩紧系食中菜啦，叫几个小炒呀、菜呀、煲呀一齐share食真系又warm又正嫁。讲真食中菜喱啲野好少会食到伏嘅，不过话好出色嘅又唔系咁易揾到嫁㖞，今日食嘅喱间，系少数我觉得每样野都整得好出色嘅食店。辣酒煮花螺 ($168)花螺出面好多地方都有，次次叫完都无咩惊喜，但系今次竟然令我眼前一亮。呢味菜嘅灵魂，佢既辣汁，辣度中高，辣得黎有唔同层次，唔会辣得好死食唔到其他味，香料味紧随后劲，酒香慢慢浸出黎，非常出色，拎黎捞饭一流。蒜蓉粉丝蒸娃娃菜（$78）娃娃菜面舖满大量嘅蒜蓉去蒸，一上枱已经闻到好强嘅蒜蓉味。娃娃菜嘅清甜同蒜蓉嘅甘香味互相好配搭，调味偏向轻口清淡，所以就算食埋下面嘅粉丝都唔会话好heavy好油腻，属健康之选。花雕醉乳鸽 （$118）份量十足，满满嘅乳鸽盛载系只大碟上面。一上枱已经闻到好正嘅花雕酒香，就知道落足料去炮制啦。食落果然无失望，乳鸽有好香浓嘅花雕香，咬落亦都好入味，咸咸香香，证明浸泡嘅时间好足，但系肉质都仲系好嫩滑，肉感丰厚咬落每一啖都系肉。猪手都好推介，外皮脆卜卜，肉质弹牙，脂肪部分又够淋，味道偏重口，如果点埋佢个汁就咸左少少，不过真系好野味嫁。