新麻蒲 BBQ (形點) (已結業)

可能系平日，晚上八点左右，冇人等即刻入左去。本身谂住唔食韩烧，净系食主菜，但入到去见到佢set晒位，最后都叫左啲肉烧下...一入到去佢会帮你set好晒啲小菜煎蛋咁，当然又系可以无限refill啦。Btw，次次refill都叫左两三次先有，水都系咁，服务真系一般，食晒既野又唔收一收。肉就跟左个页menu猪牛各一碟，佢个摆法同menu个个有啲唔同，但佢好似系按g俾客既。啲肉一般，有啲干，肥猪肉又多左啲。呢个石锅牛肉饭唔差，啲牛嫩既，材料都算多，饭焦适中。呢个冷面几好食，好有咬口，个汁唔错，咩都唔捞都好好食。刀削面个面条都几好食，有啲似乌冬咁，个汤底浓郁，几好饮。个配料除左好似佢个名写有既猪肉饺子之外，原来仲有蚬。之后就叫左个甜品，绵花糖朱古力雪花冰。我觉得好食，唔算好甜，啲冰磨到好细，入口即溶，仲要系牛奶黎既，因为我唔钟意食啲冰系水黎既雪花冰，绵绵冰。但份量有啲少，价钱应该平番啲。