好茶養生 (MOKO新世紀廣場) (已結業)

今日嚟到旺角MOKO新世纪广场嘅一间健康茶饮店，餐厅主要售卖养生茶，同时都有啲甜品可以选择，感觉都几吸引。🔸水果茶入边配有唔同嘅生果，包括青柠、橙等等，味道都几新鲜，而且仲可以食下生果，几健康。而茶底嘅茶味就唔算太浓，即使夜晚饮感觉都唔错。🔸桂花雪梨茶配料除咗有雪梨干、桂花之外，仲有橘皮、甘草等等，养颜生津、清心润肺。饮落去嘅时候感受到淡淡的桂花味，亦都有雪梨嘅清香。我哋另外仲叫咗两份甜品，分别系野莓忌廉朱古力泡芙同埋焙茶雪糕。🔸 野莓忌廉朱古力泡芙泡芙个size都几大，味道唔算太甜，切开之后见到入面全部都系朱古力，而口感方面就一般，泡芙嘅表皮唔算脆。🔸焙茶意式雪糕最令我欣赏嘅反而系焙茶雪糕，雪糕香浓又滑，焙茶味非常之突出，加上竹炭雪糕筒非常特别，值得一试。