明星海鮮燒鵝專門店

营业中

休息中

放假训到黄朝百晏，起身都到食晏时间，见咁耐冇同屋企人饮茶，今日就去楼下酒楼饮下茶啦。呢个时间原来已经可以饮下午茶喇，有下午茶优惠推介，几款点心、粉面饭价钱都几抵，叫左每人一碗濑粉加点心。饮开水仙茶，茶味清香，唔会太浓太苦。蜜味叉烧濑粉叉烧濑粉都算大碗，叉烧几多，而且排得整整齐齐，色泽鲜明，睇落好靓，半肥瘦叉烧肉质几嫩，外层涂左少少蜜汁，带点点蜜味；濑粉条条分明，爽口唔会断开一折折；汤底好清甜。凉瓜煎鲮鱼饼凉瓜鲮鱼饼，一碟有三块，凉瓜同鲮鱼比例平均，鲮鱼中和左凉瓜嘅苦味，所以食落唔会觉得苦，而凉瓜亦带走鲮鱼嘅腥味。日式麻薯丸呢个麻薯丸俾到惊喜我，一碟有四粒，外表好似大粒鱼蛋咁，咬落系烟烟韧韧嘅麻糬外皮，内里原来系香芋馅，味道同食香芋味雪糕差不多，味道唔错，觉得几好食嘅点心。