稻香訓練酒樓 (已結業)

前排家人黎过话唔错，仲做左会员，星期日黎试下～早一日打电话订座，讲埋会员号码，去到等五分钟左右就有位。呢度好大好多枱，环境唔错，都几干净。炸茄子几香脆，唔会好厚粉但有少少咸。鸡丝粉皮既芝麻酱几香。点心应该系即叫即蒸，全部都热辣辣，都几快上菜。烧卖系一粒一粒咁嗌，一人一粒唔会浪费。大部分点心都几高质，特别推介金钱肚，好香好好味，绝对可以叫多笼。食完之后上左楼上个博物馆，都几多野睇又可以影下相，呢度几适合一家大细嚟。