沐白小農 (已結業)

今日约左友人们喺荃湾扫街，去到路德围附近见到有间装潢简约嘅台式饮品店几吸引，就决定一人买一杯试下。饮品店最近举办紧白色情人节活动，杯上贴有诗句好warm。参加活动仲可以嬴澳门来回船票同酒店😃黑糖波霸鲜奶 - 波霸大大粒好有份量，咬落有嚼劲仲有淡淡嘅黑糖清香，奶味重茶味浓，沟埋一齐好好饮。大甲芋头鲜奶 - 饮落有芋头粉蓉，特别嘅口感，奶香味浓稠仲带有香芋味嘅清甜，两者味道相当合衬。茉香绿茶鲜豆乳 - 豆乳味好浓郁，绿茶味唔算好浓，入口带点回甘同茉莉嘅香味。口感顺滑，感觉好健康。