Ulyssa by Aldou (已結業)

星期日难得有👵🏻👴🏻爷爷嫲嫲帮手凑住小朋友, 可以同老公两个撑枱脚。拣左呢间未去过, 网上评价不错同最重要一点 - 星期日都有营业既Ulyssa by Aldou。虽然位于🏭工厦入面, 但装修也颇具心思, 就算餐厅面积不大, 也专登整左个打卡位比客人影相, 就算只是纯欣赏也不错, 有小清新既感觉。我地点左野菌🍄牛肝菌意大利饭, 手打和牛肉.烟肉芝士汉堡配薯条, 冻柠檬茶同跟餐加$24叫左一杯芒果士多啤梨乳酪沙冰。野菌牛肝菌意大利饭 - 意大利饭煮得软硬适中, 粒粒分明。充满菇菌香味。不错。手打和牛肉.烟肉芝士汉堡配薯条 - 我只食了薯条, 新鲜好味, 外脆内软。老公就话牛肉不错, 肉味够也juicy。不过奇怪佢地点解无落酱汁只系放左块芝士调味。芒果士多啤梨乳酪沙冰 - 呢个非常满意呀, 饮得出系用新鲜既芒果同士多啤梨整成既, 酸酸甜甜好味道, 最惊喜既系佢上面舖左一层厚厚既鲜忌廉, 既能增加层次感又令杯沙冰更顺滑香甜, 大加分。连我既甜品胃都满足埋。我钟意Ulyssa by Aldou 的食物没有加多余既调味, 使用新鲜既食材, 运用烹调技巧将食物既优点带出。