茶湯會 (豉油街) (已結業)

由于天气太热,经过见到有间嘢叫茶汤会,想去试试,去到见到支付宝领券可减5蚊,就打算用余额所剩无几的支付宝找数,扫多个QR code都揾唔到所谓优惠券,所以问店舖员工究竟扫边个code先有优惠,员工话直接俾支付宝个cide佢扫就得,听到后觉得好奇怪,明明上面写住领券先减5蚊,所以问咗好多次,真系直接俾佢扫就得?员工话系.扫完计返根本冇减到,所以就问返收银,但个收银改口话唔知,反正我收你42港币.大佬,唔系减唔减5蚊问题,我要饮就算你唔减5蚊俾我我都会饮,但收银唔识系唔系应该去再培训?或者直接唔好摆块牌出黎话人知有优惠?既然你摆得出黎系唔系应该可以清楚解释到优惠入面啲内容包括点样先可以用到个优惠?当我咁样问个收银嘅时候,个收银一直用无辜样望住我,我想讲无辜唔等于你适合做呢份工啰!既然你唔清楚个优惠系点用,系唔系应该揾其他熟悉嘅同事黎做?或者问下其他同事?而唔系一前一后两个样?再加上攞到饮品后,并唔觉得有咩特别,5蚊好少事,但产品冇特色,服务跟唔上,唔会再有下次