影片
更多
2023-05-22
1137 浏览
📌 德克士 - 北角英皇道377号地下🗓(20/5) 星期六 ⏰ 下午3点左右 💈特式：下午茶时间，想揾d唔太饱嘅野医医肚，炸鸡就系最好选择，经过见到呢间德克士，系国内系香港新开嘅过江龙，暂时只有北角一间店。🥩🍔🌭🌮🥗🥯🥘🍲🍝🍣🥟🍤🍱食物：佢食物种类同香港都几唔同，早餐就有油炸鬼/豆浆，午晚市除左炸鸡/汉堡/鸡卷，仲有饭餐，而家等我同大家讲下🍗味道先。麻辣啃骨鸡 $16 - 呢个即系半骨鸡中翼，有4只，辣味都ok，炸亦炸得几脆，不过一大缺点就系唔够热，炸鸡唔够热都真系几唔掂。孜然鸡柳 $15.5/7根 - 出嚟感觉似薯条多过鸡柳，有孜然味，但唔重，最重要都系唔够热已经系唔掂，而家上枱时只有6条，餐牌及单据都写有7根，不过发现时已经食左几条，所以无拎张相同佢地对质。魔法鸡块 $19/6块 - 鸡块好细件，叫鸡粒就差唔多，味道正常，但唔浓味，同样都系唔热，失败。☕️🍵🥤🧋🍺🍷🥃🍹🧉🍾🍶🥛饮品 : 佢地d饮品反而做得唔错，叫左杯M size美式冰咖啡同一杯绿翡翠青柠特饮。冰美式咖啡 M size $19 - 佢声称系提供即磨咖啡，亦见到佢地真系用即磨机冲制，味道都合格，有M
🗓(20/5) 星期六 ⏰ 下午3点左右
💈特式：下午茶时间，想揾d唔太饱嘅野医医肚，炸鸡就系最好选择，经过见到呢间德克士，系国内系香港新开嘅过江龙，暂时只有北角一间店。
🥩🍔🌭🌮🥗🥯🥘🍲🍝🍣🥟🍤🍱
食物：佢食物种类同香港都几唔同，早餐就有油炸鬼/豆浆，午晚市除左炸鸡/汉堡/鸡卷，仲有饭餐，而家等我同大家讲下🍗味道先。
麻辣啃骨鸡 $16 - 呢个即系半骨鸡中翼，有4只，辣味都ok，炸亦炸得几脆，不过一大缺点就系唔够热，炸鸡唔够热都真系几唔掂。
孜然鸡柳 $15.5/7根 - 出嚟感觉似薯条多过鸡柳，有孜然味，但唔重，最重要都系唔够热已经系唔掂，而家上枱时只有6条，餐牌及单据都写有7根，不过发现时已经食左几条，所以无拎张相同佢地对质。
魔法鸡块 $19/6块 - 鸡块好细件，叫鸡粒就差唔多，味道正常，但唔浓味，同样都系唔热，失败。
☕️🍵🥤🧋🍺🍷🥃🍹🧉🍾🍶🥛
饮品 : 佢地d饮品反而做得唔错，叫左杯M size美式冰咖啡同一杯绿翡翠青柠特饮。
冰美式咖啡 M size $19 - 佢声称系提供即磨咖啡，亦见到佢地真系用即磨机冲制，味道都合格，有McCafe质素，不过$19杯只系M size就有点偏贵。
绿翡翠青柠特饮 $15 - 呢杯特饮平过杯M size咖啡，仲要再大杯d，加埋当日天气好热，呢杯特饮饮落透心凉咁，几唔错。
🍽环境：餐厅就系快餐店咁嘅装修，颜色就有少少似Subway，摆位就类似M记同KFC，仲餐厅面积好细间，我估大约只容纳到25~30人左右，如果用M记嚟比，应该系香港最细嘅M记咁上下。
🤵🏻🤵🏻♀️🤵🏻♂️服务：都系快餐店水平，自助点餐，睇number取餐，店员亦会自动问客人需唔需要手套。
💰💸价钱：叫左3个散叫小食，2杯饮品，埋单就$84.5，唔算话好贵，但可能加少少钱已经可以系Jollibee叫到成桶6件鸡了。
🐲💬总结：我觉得如果未试过嘅朋友，又食到香港d炸鸡厌晒，系可以试下，因为佢有个招牌食物叫手枪鸡脾卖$33只，我见到都真系相当大只，而且枱枱都有叫，我估佢应该会出色d。
推荐指数：❤️❤️❤️🤍🤍
80 浏览
0 赞好
0 留言
张贴
