HIKARI

成日喺荃湾广场附近都行嘅时候都会留意到呢一间Cafe,所以今次行完街之后就去试吓，平日晚餐嘅时间个场都几满脆炸软壳虾墨汁意大利面：意大利面用咗墨汁嚟煮，唔系另外用墨汁上，唔怕个嘴食到污糟🤣大赞虾炸得够脆，同埋好惹味日式烩猪腩黑松露意大利饭：意大利饭嘅份量都几多，黑松露嘅香味融入饭入面，猪腩肉大大嚿，外皮够脆，脂肪有一股油香，唔算油腻自家制bbq汁烧猪肋骨：bbq汁浓郁得黎又突出猪肉嘅香味，食嘅时候都觉得容易脱骨，拣选嘅肉唔错Bailey's Mocha:饮到朱古力嘅甜味嘅同时又有百利甜酒嘅味道，味道够平衡，唔会过甜香月园焙茶鲜奶：鲜奶甜味就比较重，焙茶都几香，好欣赏两杯饮品都有精致嘅拉花