Hami Harmony (已結業)

Hami Harmony几年前食过一次，店内座位坐得舒服，适合同三五知已gathering，装修亦好特别👍🏻 今次我同朋友拣咗二人餐，餐价$468，当中拣某d菜式要再加钱。•🥢 蘑菇汤蘑菇汤质地系稀身的，好多蘑菇碎，菇味还可以。•🥢 牛油汁蚬肉自家制虾米意大利粉 加$20佢嘅意粉系比平时硬身同粗，口感烟韧，意粉铺满超细粒嘅虾米，个汁充满咸香虾米味同海鲜味，都几惹味，好特别，但略嫌蚬肉偏少。•🥢 美国14oz安格斯有骨肉眼扒 加$98肉眼扒我哋叫咗7成熟，但嚟到变咗全熟，扒下面有几件薯仔，肉眼扒肉味ok，但就因为全熟所以有啲位有啲韧。•🥢 蒜香酱烧一口和牛粒 望落好似好细兜，但其实都好多粒！和牛粒腌料简单，肉质软淋，唔错！•🥢 热情果菠萝梳打 加$19好清新，无糖水嘅味道，又唔会过甜，就算d冰溶咗都唔会觉得过淡，我好少可会饮得哂一杯饮品，呢杯真系好饮！🍹•🥢 芒果奶冻 上层系奶味，下层系芒果味，但成杯奶味同芒果味都唔够浓🤔 好淡，比较失望。