Mimila (已結業)

踏入夏天，喺山上面真系好热呀，啱啱行完山再出嚟沙田新城市广场度睇吓有啲咩野台式饮品饮，之后睇返都系一啲连锁式嘅舖头，咁无意中见到一间食东南亚菜嘅餐厅，𠮶日唔系好想食嘢，但系胆粗粗去问下净系买两杯嘢饮外卖好唔好，店员都话可以，咁就一于试吓饮佢嘅饮品啦，认真一间食店可以做埋外卖饮品其实真系都几趣致！首先我饮咗个桔子梳打，桔子梳打其实系一个好解渴嘅饮品，当然都好醒胃，因为佢比较酸，但系略嫌佢有啲太甜，但系我觉得一般嘅东南亚菜嘅特色来讲，饮品一定要够甜所以先至系谈得上一个正宗嘅东南亚菜，所以我呢个饮品会俾佢满分。另外朋友就饮咗三色奶茶，三色奶茶比其他饮品嘅始终都系唔够滑同埋冇咁甜，但系朋友就话可以接受，所以我会比呢杯饮品系上品。最后两杯嘢饮都包得好好呀，佢好细心咁样用胶纸包住，咁另外就算我哋净系外买两杯嘢饮都好，咁佢都有一个纸托同饮品袋俾我哋，但系都可以睇得出呢间舖头系好有心机，同埋都好细心去做每一样细节嘅另外服务态度都可以算系话好嘅，所以呢间餐厅我都系会值得推介大家去食，咁另外如果我有机会再嚟过沙田嘅话我都可能会入去间餐厅到试食吓。