影片
更多
2006-12-14
4 浏览
早前大人同朋友黎呢度饮过茶觉得几OK,今晚同我黎试下晚饭。位置系以前百佳超市,地方算大,最特别有马蹄型座位,每个卡位又有电视仔睇;另外呢度电视机超多,真系可以电视送饭!红烧乳鸽:炸得几靓,外皮好脆,乳鸽够入味又有肉,呢个唔错。腊味炒时蔬:分别有腊肠粒、润肠粒、腊肉粒,三款腊味味道ok唔太肥,时蔬系白菜仔,份量一般,由于有腊味关系,呢个𩠌都好惹味;潮式煎蚝饼:份量够大,蚝仔都几多,而且几肥美大只,好处系洗得几干净,无蚝壳嘛!成个饼炸得好脆,面头个层真系脆到"惨"口,中间部份就系淋,味道麻麻啦,加上伴食个碟鱼露好咸,呢个唔系太好;黑椒西芹炒牛柳粒:份量最迷你,唔知有无用到2条西芹呢??牛柳粒都几大粒,虽然份量好少,但味道又不俗bor,成碟𩠌炒得好香口,西芹又好爽脆,如果大碟d就更好;腐乳汁鹅肠米线:呢个组合几新鲜所以又试试,腐乳汁都几辣,捞埋米线味道又几特别,鹅肠口感爽脆,呢个一试无妨;卤水鹅拼盘:1/4只卤水鹅、一只蛋、一件豆腐。几款卤水食物都好够味道,味道都几好!卤水鹅唔太肥,肉质几软唔会太老;蛋就一般啦,实的的左d;全餐最好味竟然系呢件豆腐!!因为用左布包豆腐黎做,所以好嫩滑,好似食
位置系以前百佳超市,地方算大,最特别有马蹄型座位,每个卡位又有电视仔睇;另外呢度电视机超多,真系可以电视送饭!
红烧乳鸽:炸得几靓,外皮好脆,乳鸽够入味又有肉,呢个唔错。
腊味炒时蔬:分别有腊肠粒、润肠粒、腊肉粒,三款腊味味道ok唔太肥,时蔬系白菜仔,份量一般,由于有腊味关系,呢个𩠌都好惹味;
潮式煎蚝饼:份量够大,蚝仔都几多,而且几肥美大只,好处系洗得几干净,无蚝壳嘛!成个饼炸得好脆,面头个层真系脆到"惨"口,中间部份就系淋,味道麻麻啦,加上伴食个碟鱼露好咸,呢个唔系太好;
黑椒西芹炒牛柳粒:份量最迷你,唔知有无用到2条西芹呢??牛柳粒都几大粒,虽然份量好少,但味道又不俗bor,成碟𩠌炒得好香口,西芹又好爽脆,如果大碟d就更好;
腐乳汁鹅肠米线:呢个组合几新鲜所以又试试,腐乳汁都几辣,捞埋米线味道又几特别,鹅肠口感爽脆,呢个一试无妨;
卤水鹅拼盘:1/4只卤水鹅、一只蛋、一件豆腐。几款卤水食物都好够味道,味道都几好!卤水鹅唔太肥,肉质几软唔会太老;蛋就一般啦,实的的左d;全餐最好味竟然系呢件豆腐!!因为用左布包豆腐黎做,所以好嫩滑,好似食紧豆腐花咁,呢个推介!
初初见d𩠌份量少,再加后面2样,点知食到要打包!饱到上头壳顶!!等候落格期间,又order 2杯饮品试试:
冻柠蜜:大人话好饮,柠檬好靓所以味道好清新、唔苦,而且加左少少梳打水,所以同其他柠蜜味道唔同,推介!
巨峰提子梳打:呢杯由初期紫白色,沟匀之后变为淡紫色,颜色方面就好吸引,提子汁唔系太多所以唔太甜,有d有汽梳打水加埋,所以味道都几好。
以价钱黎睇唔算太贵,但份量就有d商榷,而且小菜菜式选择唔多,虽然有日式刺身选择,但我就唔太放心系中式酒楼食鱼生lu,再黎晚饭机会唔大,饮茶尚可再试,因为我仲想试下其他饮品同雪糕芭菲。
张贴
