東京築地拉麵 (已結業)

假日睇戏前黎医饱个肚，见有Lunch Set黎试试。入面装修几好，符合日式风格，以木色为主，座位唔会太迫。服务正常，野食中规中矩，饭品反而较出色。两人叫两个餐，连埋加一，每人大约$75。跟餐小食-味付螺肉螺肉同平时食嘅一样，正正常常。赤神浓厚猪骨汤叉烧拉面个汤辣味几香，但油左少少。叉烧有两块厚身都整得几淋。面煮得较淋身，少左弹口。绿味拉面菠菜汤底味道几特别唔错，无乜菜嘅腥味，但男友就觉得味道有啲怪。猪肉分量都几多下，口感岩岩好，好嫩。而面都系一样偏向淋身。热蜂蜜绿茶会有蜂蜜珠珠，一咬开甜甜嘅蜜糖爆出黎，令到杯绿茶好香好润。 热咖啡咖啡比一般更香浓滑口，落奶嘅分量又岩岩好，酸味唔多。