一點心 (通菜街)

营业中

休息中

茶，真系好一般，冇茶味。不过好有点心舖嘅气氛，枱枱凳凳、装修都有种香港味道，价钱实惠，但你问我系唔系香港必食点心/餐厅之一，绝对唔系🙈*🥟叉烧焗餐包 (3件) $23 🌕🌑🌑🌑🌑呜，失望。明明系招牌点心，但餐包冻冰冰，叉烧馅又少，咬开基本上系半空心。🥟家乡咸水角 (3件) $21 🌕🌕🌕🌕🌑热辣辣，脆卜卜。外皮烟韧香脆，内馅丰富，值得一食。🥟香煎萝卜糕 (3件) $22 🌕🌕🌗🌑🌑普普通通，粉多萝卜少，可以一食，但不会回头。🥟潮州蒸粉果 (3件) $19 🌕🌕🌕🌗🌑粉果偏小，内馅丰富但其实系花生量多，沙葛少猪肉少。🥟蜜汁叉烧肠 $28 🌕🌕🌕🌕🌑肠粉皮滑，叉烧完全唔嚡，而且份量合理。🥟凤爪排骨饭 $30 🌕🌕🌕🌑🌑排骨用左松肉粉，肉质腍啤啤0肉味，胜在白饭份量多，捞豉油一流。🥟丰料糯米饭 $32 🌕🌕🌕🌕🌗好耐冇食糯米鸡(?)啦，大片荷叶包住糯米饭，入面有一块肉+半边咸蛋黄，料足又香，一啲都唔觉得油腻，不过食完一个一定饱到上心口。