名門讌客 (裝修中)

今日星期六，难得地做孝子同老妈子饮啖茶 食个包。葵芳酒楼好多，但好食既就少之有少，但唔紧要啦，饮茶都系旨在叹杯茶，休闲下架姐。今次呢间名门䜩客既位置都几方便，就系地铁站隔离，可能系星期六既关系，门口排晒长龙，等左15分钟左右就入得，尚算可以接受。毫不意外地，酒楼既阿姐都系极之「有礼貌」，呢个亦都系全香港食肆既通病，酒楼阿姐既态度更甚恶劣。饮啖茶 下个火就放佢一马。先黎一个香煎腐皮卷，眼望第一眼有一旧腐皮已经穿左，美观上先扣一分。但难得皮够薄，微脆。但馅料好少，只食到少量红萝白，冬菇。虾饺系必点之选，虾肉足秤，尚算新鲜。但皮有d厚，整体不过不失。我既致爱鼓椒凤爪，有d涩身，偏咸 缺少辣味既点缀，味道还可以。鼓椒蒸排骨，老妈子order要食。份量都几大，但有唔少肥肉，最后妈子嫌肥 夹晒比我食。咖哩土鱿，冇乜咖哩味，去到食萝白果下先食到个咖哩味，只能说不合格。两个人叫左5个点心，唔算十分饱肚，食物质素一般，但胜在位置方便就脚。