老馮茶居 (海寶花園)

呢间茶居既装修好有怀旧气息, 好适合打卡留念, 不过因为疫情关系间晒啲板, 所影出黎就冇咁靓🙈 讲返食物, 佢既选择都算多, 而且有啲都系酒楼比较难揾到既传统点心都有👍🏽 我地坐左咁耐啲客人都冇停过出入, 所以基本上都系限时一个钟用餐同埋因为所有野都系即叫即蒸, 所以唔可以加单, 想食咩就一次过拣晒佢喇📝 我地拣左大概13款点心同蒸饭, 每款都比想像中大份同埋都系偏高质💯 当中我最钟意系外脆内软, 超香鲮鱼味既蚬蚧鲮鱼球🐟 咖哩汁超浓郁既咖哩蒸鱿鱼🦑 香浓芋头味同埋超级流心既流沙芋泥包🍞 同埋好弹牙同埋好香姜味既姜汁桂圆红枣糕😋 佢啲蒸饭都好大兜同埋个八珍糯米鸡既料系超多, 居然有鸡翼, 1/4条腊肠同埋大量既嫩滑鸡肉, 真系好正🤤 点心大部分都系$20-$30 我个人觉得可接受呢间茶居得两间分店, 一间系元朗另一间系大埔, 我地今次去既系大埔分店, 已经系晏就差唔多2:30去到都要等起码半个钟位, 走果阵都有啲人系度等紧位, 可见佢既受欢迎程度系超高🤳🏽 食物既质素系超高, 绝对唔会令你失望, 而且佢既茶芥只系$5位咋, 真系好平👍🏽