歡樂中式點心

营业中

休息中

大成街街市有档早茶司令想试好耐，可惜佢收十一点，次次都爬唔到起身去食😂，今次的起心肝早起身去试，旧式既饮茶真系买少见少，大家记得都多多支持尼啲旧香港风情啦🤗。排骨饭 ($19)饮早茶点少得食返个凤爪排骨饭，可惜司令叫既时候冇凤爪😢，唯有食个排骨饭，米饭蒸到粒粒分明，豉油落得足👍🏻，配埋排骨本身既汁，唔错㖞。叉烧包($7)叉烧包系一个一个叫，唔好睇佢得一个，比一般食开既大好多😱，一撕开啲料仲要爆晒出黎，超多叉烧好抵食。即拉肠粉($16)肠粉即叫即拉好surprise😍，不过就要等耐少少，肠粉皮有米香，不过有少少厚薄不一。烧卖($16)烧卖大大粒，瘦肉比较多，所以食落去口感硬身啲，不过有大大粒虾，性价比都唔错。