伙食工業 (已結業)

星期六，郊游后去到火炭，想揾黄店食晚餐，先至发现呢度系另一个黄店沙漠，只有伙食工业一个选择😂。入到去，发现装修同摆设非常特别，仲熟口熟面，应该有唔少电视同电影喺呢度取景。餐厅嘅一边有个舞台仔放咗乐器，应该系玩 live music 用嘅，我帮衬𠮶日冇表演，个台就自然成为食客打卡嘅好地方。叫咗碗红烧半筋半牛肉面，牛煮得几入味但系偏韧，略嫌唔够腍，汤底味浓偏油，仲有大量雪菜，对于我嚟讲系比较咸，平时食牛肉面我多数会连汤都饮埋，不过今次我要投降啦😂。食食下，忽然见到墙上面有幅事头婆嘅玉照，好滚动，差啲痛哭流涕😭。总括嚟讲，如果三五知己想 chill 想饮杯嘢倾下偈，呢度应该系好好嘅选择。