影片
更多
2022-11-04
41 浏览
最近番工好辛苦，放工一定要揾番自己嘅时间，约咗朋友去太子酒吧吹下水。🇪🇸呢间酒吧主打西班牙菜，店内挂住唔少西班牙风情嘅饰物，仲一路播住西文歌，食物同饮品亦有辣肉肠、烧乳猪、Sangria等西班牙菜，非常有气氛！🍷饮品方面，餐厅放咗一个「第十一届香港调酒师大赛」冠军奖杯喺度证明实力，咁就一定要饮酒啦😂叫左一杯Sangria，甜甜地，酒精味唔算重，几易入口。💎朋友叫咗Blue Diamond，超梦幻嘅蓝+白，仲有淡粉红色嘅满天星花，打卡一流。🍽️食物因为Tapas细细碟，试咗好多款，啱晒选择困难症嘅我🤣🥩帕尔玛火腿配蜜瓜 $26@蜜瓜超甜！配咸香嘅Parma ham好夹。🦀黑鱼子蟹肉多士 $28@真系有海鲜味，脆脆地嘅饼干配Creamy蟹肉，口感丰富。🐮烤和牛舌配番茄莎莎 $28@用料绝对系靓牛肉！有牛油香，浓郁牛味，上枱仲暖暖地，好正。🧀烧烤酱鸡肉芝士薄脆 $24@呢个又系正，上枱热辣辣，芝士仲有少少拉丝。鸡肉面烧烤酱好惹味。🦞龙虾汁大虾海鲜阔条面 $148本身对呢个无期望，觉得酒吧嘅意粉都系求饱肚，点知好好食😂海鲜有青口大虾鱿鱼等等，重点系意粉好挂汁，条条都好够味😋总括嚟讲，地点超级方便
🇪🇸呢间酒吧主打西班牙菜，店内挂住唔少西班牙风情嘅饰物，仲一路播住西文歌，食物同饮品亦有辣肉肠、烧乳猪、Sangria等西班牙菜，非常有气氛！
🍷饮品方面，餐厅放咗一个「第十一届香港调酒师大赛」冠军奖杯喺度证明实力，咁就一定要饮酒啦😂叫左一杯Sangria，甜甜地，酒精味唔算重，几易入口。
💎朋友叫咗Blue Diamond，超梦幻嘅蓝+白，仲有淡粉红色嘅满天星花，打卡一流。
🍽️食物因为Tapas细细碟，试咗好多款，啱晒选择困难症嘅我🤣
🥩帕尔玛火腿配蜜瓜 $26@
蜜瓜超甜！配咸香嘅Parma ham好夹。
🦀黑鱼子蟹肉多士 $28@
真系有海鲜味，脆脆地嘅饼干配Creamy蟹肉，口感丰富。
🐮烤和牛舌配番茄莎莎 $28@
用料绝对系靓牛肉！有牛油香，浓郁牛味，上枱仲暖暖地，好正。
🧀烧烤酱鸡肉芝士薄脆 $24@
呢个又系正，上枱热辣辣，芝士仲有少少拉丝。鸡肉面烧烤酱好惹味。
🦞龙虾汁大虾海鲜阔条面 $148
本身对呢个无期望，觉得酒吧嘅意粉都系求饱肚，点知好好食😂海鲜有青口大虾鱿鱼等等，重点系意粉好挂汁，条条都好够味😋
总括嚟讲，地点超级方便，环境干净（洗手间超企理！），食物饮品有水准，有音乐但唔会太大声，适合约朋友倾偈吹水👍
📍 Channel 3 Tapas Bar & Restaurant (太子)
太子通菜街228号地下
张贴
