食嘢 (已結業)

今日又去大埔做嘢，我同同事食饭，佢介绍呢度，因为上次佢食过几好咁话，去到门口泊到车，门面光鲜，将口语转做英文都几得意，店员姨姨在门口拉客，等埋同事玮齐入，比到门口卡位，入面灯光昏暗，浅木家具加深色墙面，再用蓝色铁网做间隔，金属感几重！几形格！食物以南亚裔为主，同事话咖哩几好！佢就点个轻宜嘅！食品好快到，见到厨房玻璃窗，厨师系南亚裔人士！应该几有风味！咖哩羊架饭（$72）生铁单柄细平底镬，咖哩几杰，净食一啖几香香草味，唔辣但香，系印度式咖哩！羊架两支好肥美，瘦肉只有1/3，一啲都唔膻，肉质又嫩！好味！连啲薯仔都入晒味，豆角爽口，咖哩跟饭，无得改意粉或酥饼！无乜弹性，幸好白饭够热又松软，捞咖哩汁一流！饭面仲放咗几丝酸菜丝，开胃解腻，简直想叫佢比多啲！鸡柳饼（$36）同事食，分我一件，饼身干身，咬落烟韧！几香麦味！入面鸡肉几嫩，沾咖哩汁好味！跟餐水蜜桃绿茶：同事饮跟餐百香果绿茶：即弃胶杯，冰茶够冻，百香果味唔够，似饮普通冻冰茶！幸好唔太甜！店员有礼，会介绍食品，上菜收碟爽手，又会提醒小心热盘！食物唔错，有啲特色