NUTTEA (灣景廣場) (已結業)

今次我哋去荃湾睇戏，等睇戏嘅时间嚟到湾景广场行下及食野😊在超级市场部的一层，旁边有啲食店，我哋去nuttea买咗一杯伯爵朱古力坚果奶盖茶饮。饮第一啖嘅时候即刻感觉幸福！好浓郁好柔滑奶盖呈朱古力啡色，细密泡沫浮系朱古力伯爵茶上。轻轻温柔地饮出层次感。奶盖系用坚果造成，有果仁嘅香味。朱古力及伯爵茶味道都几夹，茶中佛手柑嘅味道及红茶嘅味道令饮品闻落去更有果香，朱古力及坚果嘅豆果味道加埋好丰富😊一杯味道浓郁嘅茶饮真系令呢个weekend 加上一份满足感😊如果之后nuttea有分店可堂食就更好😊 有个地方慢慢坐低，如可以用玻璃杯装着坚果奶盖茶，先用小匙羹品尝咸咸甜甜嘅奶盖味道，再喝一口茶，感觉更幸福！