老三火鍋 (已結業)

身边另一半好钟意打边炉，所以我地会周围揾唔同既火锅店边一边佢。而我地今日就去左食一间招牌老鸭汤既火锅店试一试佢🤪环境系平时打边炉既格局，一张张大圆枱，够热闹！🕺🏿首先当然叫佢地既招牌老鸭汤老火汤底！有一只或者半只，店员同我地讲两个人半只岩岩好！跟住我地就睇下仲有咩食，店员又向我地推介另一招牌醉鸡丸！咁当然要试试佢！佢地有一样好好既野就系食丸同价钱可以加10蚊双拼另一只丸，咁样两个人都可以食多d其他野食。咁我地就拼左金沙墨鱼丸、然后叫左豆腐丸拼墨汁芝士鱼饺、冬瓜片、莲藕、油麦菜、花枝片、安格斯肥牛（大）、仲叫左一渣乌梅汁。老鸭汤老火锅，先饮后打边炉，入面有好多其他药材，好香浓，好好味！饮完就试左佢d鸭肉，半只鸭劲多肉，d肉又劲入味💯之后就开始打边炉，佢地既蔬菜配料都好新鲜。肥牛够大碟，丸类够特别，金沙墨鱼丸入面咸蛋黄味拼埋墨鱼好食，醉鸡丸咬开佢会爆汁，入面食到好浓既酒味，配埋鸡丸整成粒丸好特别！