影片
更多
2020-03-24
1116 浏览
呀妈话呢期唔敢周围去，但就连屋企附近嘅酒楼都暂停营业，无啖好食😫，所以呢日放假我就近近地带佢去观塘嘅誉宴食好西。我之前去过The One𠮶间饮非常唔错～。一上到去发现酒楼劲满人，仲要未到下午茶时段添，好彩店员好快就安排我哋入座，意外地有得坐露天位，个环境劲正😍，喺到摆酒，都可以有个花园仔。呢日我嗌咗个套餐同呀妈食，每人$468全包，的确唔平，但食物质素绝对对得住个价钱😋，无论食材定烹调方式都好出色；而且份量超多，每人每道菜都各有一份。首先嚟嘅系烧味拼盘🐷，包括叉烧4片、腩仔4粒同海蜇小许，一人食啱啱好。烧味个样好靓，食落都唔错，但未到好惊艳；叉烧如果肥啲就好。黑蒜螺头炖鸡汤🐔，哇个汤真系黑色㗎，好少见🙈，应该系用上黑蒜嘅关系。我个人认为味道比较浓，不过呀妈觉得好好饮。汤入面好足料，有螺头有鸡。玉环鲍鱼盅🥢，节瓜瑶柱甫就食得多，但配鲍鱼真系唔系成日有得食。仲要鲍鱼系用上干鲍，即系比新鲜鲍鱼更名贵🤤，果然食落个口感同味道系特别唔同，比较流心同入味。西施蛋白虾球🍤，大虾球非常弹牙，正呀。蒸蛋白比起蒸蛋口感更厚，夹埋个芡汁食，味道恰到好处，当中仲搭配咗两款笋丝。干隆石锅炒饭🍚，我完全估唔到个饭
呀妈话呢期唔敢周围去，但就连屋企附近嘅酒楼都暂停营业，无啖好食😫，所以呢日放假我就近近地带佢去观塘嘅誉宴食好西。我之前去过The One𠮶间饮非常唔错～。
一上到去发现酒楼劲满人，仲要未到下午茶时段添，好彩店员好快就安排我哋入座，意外地有得坐露天位，个环境劲正😍，喺到摆酒，都可以有个花园仔。
呢日我嗌咗个套餐同呀妈食，每人$468全包，的确唔平，但食物质素绝对对得住个价钱😋，无论食材定烹调方式都好出色；而且份量超多，每人每道菜都各有一份。
首先嚟嘅系烧味拼盘🐷，包括叉烧4片、腩仔4粒同海蜇小许，一人食啱啱好。烧味个样好靓，食落都唔错，但未到好惊艳；叉烧如果肥啲就好。
黑蒜螺头炖鸡汤🐔，哇个汤真系黑色㗎，好少见🙈，应该系用上黑蒜嘅关系。我个人认为味道比较浓，不过呀妈觉得好好饮。汤入面好足料，有螺头有鸡。
玉环鲍鱼盅
46 浏览
0 赞好
0 留言
玉环鲍鱼盅🥢，节瓜瑶柱甫就食得多，但配鲍鱼真系唔系成日有得食。仲要鲍鱼系用上干鲍，即系比新鲜鲍鱼更名贵🤤，果然食落个口感同味道系特别唔同，比较流心同入味。
西施蛋白虾球
40 浏览
0 赞好
0 留言
西施蛋白虾球🍤，大虾球非常弹牙，正呀。蒸蛋白比起蒸蛋口感更厚，夹埋个芡汁食，味道恰到好处，当中仲搭配咗两款笋丝。
干隆石锅炒饭
36 浏览
0 赞好
0 留言
干隆石锅炒饭🍚，我完全估唔到个饭系一人一个石锅啰‼️，一个石锅已经分到每人两个碗仔...，所以我哋打包咗一个走🙈。除咗份量够之外，个饭真系满分之作，因为饭粒炒到好干身，粒粒分明，连呀妈都赞不绝口。
干隆石锅炒饭
25 浏览
0 赞好
0 留言
最后，精选甜品系红豆沙，呢个就正正常常啦，够多豆。我哋食埋甜品，非常满足😊。
除咗食物同环境外，呢到嘅店员全部都好好礼貌，服务好好；特别有位短头发呀姐，真系好细心，好热情👍。
总括嚟讲，依餐饮宴般嘅午市套餐真系不得了，最紧要系呀妈钟意，食得开心❤️。下次我会同佢嚟食点心，价钱几相宜。另外，餐厅仲有做啲晚市六人／十二人餐，好似都唔错。我哋离开餐厅时，再望下室内个环境确系几靓，相信系一个宴会嘅好场地啊！
张贴
