Banabana (已結業)

前两日放工去旺角食饭，途中经过呢间小店，见到大排长龙，即刻涌现左香港人"人排我排"嘅心态，排埋一份先！架上有好多款水果选择，拣3款放入太空船，然后拎去比钱，就系咁简单！我拣左奇异果、红桑子、桃。其实比钱嘅程序好快，系等拎果汁比较耐，店内店外都企满等拎果汁嘅客人。到最后差唔多等左成半个钟先拎到，都真系几耐。不过果汁店原来只系开左7日，相信随后会加快果汁制作嘅过程。奇异果＋红桑子＋桃 汁，质地几浓，感觉足料。一路饮一路feel到奇异果嘅粒粒，都几多！桃嘅甜味被奇异果同红桑子嘅酸味盖过，所以杯果汁整体嘅味道偏酸。饮完感觉几refresh，不过下次会选择甜味较重嘅生果，会比较好饮。