荳號 (花園街) (已結業)

丫妹系旺角行住街等我收工一齐食饭, 发现咗呢间新开有甜品又有饮品嘅外卖店, 款式吸引, 定必列入今晚饭后必帮衬系列。款式选择多, 每款都为不同配搭, 单拣款已令我有选择困难症。最后拣咗两款饮品同一款甜品。饮品附带手抽设计, 方便外带。宇治金时厚鲜奶, on top追加北海道3.5牛奶雪糕宇治金时厚鲜奶中包含咗小丸子、红豆, 追加咗牛奶雪糕, 开盖一尝, 雪糕香甜嫩滑, 加埋本身已搭配嘅红豆, 跟抹茶鲜奶好match。熟透嘅小丸子林林地, 饮落有层次。渣咋瀑布, 追加北海道3.5牛奶雪糕+椰果丫妹本身好中意食渣咋, 所以一路饮已经赞口不绝。渣咋饮品本身较甜, 令追加嘅牛乳雪糕味无咗突出, 而本身搭配嘅西米, 再加上追加嘅配料雪糕同椰果, 令整杯口感味道更为丰富。热腐竹蛋花糖水 (自选5款配料)拣咗椰果、紫米、寒天晶球、仙草、荳花小筒手携式外卖好方便, 糖水暖暖地, 糖水有淡淡蛋香, 不过甜度较淡, 荳花超滑, 入口即化; 多种配料令层次更丰富。